قصة حب في المنتدى << قصة مؤثرة

انا جبت لكم قصة انشالله تعجبكم
.............................
آسفه حبيبي اذا ماقلت هاكلمه لك لكن مابقولها لغيرك
<< بنت عمرها 20 سنه ؛ كانت تتصفح برامج الانترنت ؛ فتحت اكثر من موقع
<< فيه فلفت نظرها منتدى من المنتديات اشتركت فيه عيبها شكلها ارتاحت له
< قعدت تشارك بالمواضيع وتحط مواضيع؛ مع مرور الايام انشات صداقات
< مع البنات سوالف ؛ وضحك؛ ومقالب للاعضاء؛ وكل يوم على هالموال مرت شهور
> على اشتركها في هالمنتدى ؛ في يوم من الايام وصلتها رساله على الخاص
> من المراقب الاسير وها الرساله تقول انه معجب فيها؛ وباخلاقها ؛ وانه حاب يتعرف عليها
> وكل ها الكلام عن طريق الرسايل الخاصه...
>>
> دمعة وفي: اسمع أخوي انا ماعرفك وأنت ماتعرفني ولو سمحت عن الكلام الفاضي اللي ماله معنى .
>
الاسير: هذا كلام فاضي!!! هذا اللي اقوله كلام فاضي !! الله يسامحج.
>دمعة وفي طنشته وماردت عليه واليوم الثاني وصلتها رساله رساله من الاسير؛
>
>الاسير: السلام عليكم. كيف حالج؟؟ شو اخبارج حبيبتي؟؟
>
>دمعة وفي ماردت عليه ؛ ماعرفت شو تسوي
>
>وبعد ما مرت الايام وهو يطرش هالرسايل؛ ويزعجها مايخليها تقرا أي موضوع
>ويكتب لها كل شي يصير لهفي حياته اليوميه مثلا بروح الصناعيه..
>وبرجع وبروح المستشفى.... الخ
>ودعة وفي ؛ ساكته ماترد
عليه حاولت تحط تجاهل حق رسايله ؛ ماقدرت لانه مراقب
>وبعد فترة دمعة وفي كتبت بالاهداءات انها مسافره ألمانيا وأنه يمكن
> تتأخر؛ وأول ماقرا الاهداءات طرشلها رساله
>
> الاسير:أنتي ليش تعذبيني جدي حرام عليج ؛ أتسافرين وتخليني بروحي
>>>> حرام.
> دمعة وفي انا ماعطيتك شي ولاسويت لك شي ؛ علشان تقولي حرام عليج ؛ وانت شو تبي مني؟؟
>
>الاسير :أنتي ليش عنيده ؛ عطيتج قلبي وحياتي؛ وابتعدت عن اهلي وناسي
>> هذا كله عشانج أنتي وبس؛ وابيع الكل واشتريج..
> دمعة وفي : لا تعليق
>>
>
>>
>> الاسير: ليش أنتي جيه؟؟ قبل لاتسافرين قوليلي صارحيني منو انا
>>بالنسبه لج طفي النار اللي فيني...
>>
>دمعو وفي: بحفظ الله بخليك
>
>الاسير: هذا اهداء لج أغنية من بين الناس حبيتك ؛ وانا
>>> بستناج لين ترجعين؛ وبكتب لك كل يوم رساله حبيبتي.
>>>
>> سافرت دمعة وفي ومرت شهرين على سفرها؛ ورجعت مشتاقه حق صديقاتها
>> وسوالفهن ويوم دشت المنتدى والرسايل عندها يمكن خمسين رساله
>> يوم فتحتها كلها كانت من الاسير قعدت تقراوتفتح رساله ورا ؛ رساله
>> والرسايل كانت تحكي يوميات الاسير بالتفصيل وكل شئ صار له
>> دمعة وفي حذفت كل الرسايل ماهتمت له. ردت تقرأ مواضيع وتتكلم مع صديقاتها
>>وشوي توصلها رساله من الاسير.
>>الاسير الحمدلله على السلامه؛ والله العظيم اشتقت لج وااايد؛ والمنتدى موبحلوبدونج حبيبتي
>>
>> دمعة وفي : الله يسلمك
>>
>> الاسير:انتي ليش جافه معاي؟؟ ليش قاسيه؟؟ ليش أنانيه؟؟
>> قلت بتسافرين بتفكرين فيني بتحسين ؛ بس انتي الله يسامحج..
>>دمعة وفي : اخوي شوف أنا ماريد اعطيك امال انته بعيد عنها وانا بعيدة عنها.
>> وخلينا نبتعد بالطيب لانك انت وين وانا وين؛ ودامني احترمك بليز ابتعد..
>>
>>الاسير: بس قوليلي كلمه حلوه أنا طمعان بخلاقج وكرمج ؛ وانتي دخلتي قلبي
>> على الاقل قوليلي حبيبي ؛ لاتحرميني من هالكلمه ؛ وانا مابخليج
>> لين ماتقولينها حتى لو انذليت عندج...
>>
>>
>> دمعة وفي:أخوي هاي الكلمه بشووو بتنفعك ؛ مابتنفعك بشي؛ شوف انا
>> بخليلك المنتدى وبطلع بلا رجعه . بحفظ الله.
>> الاسير:خلاص لاتقولينها خلاص ؛بس لاتخليني بروحي أرجوج علة الاقل
>>أشوف نك نيم مالج واعرف انج بخير.
>> بعد فترة قبل رمضان الماضي ؛ كتب رساله يقول فيها انه رايح العمره مع الشباب..
>> دمعة وفي: الله يهديك..
>>الاسير: تعرفين شي ؛ انتي حبيبتي ؛ وبظلين حبيبتي لين ماموت ؛ ياملاكي
>> العنيد؛ وبظلين ملاكي العنيد للابد..
>> دمعة وفي :بحفظ الله.
>> مرت الايام وهو مسافر ودمعة وفي تدش المنتدى وتقرا مواضيع وتسولف
>> مثل قبل بس في يوم من الايام
>> حست انها متضايقه حيل ؛ ماعرفت شو سبب ضيقتها تحس بشي ناقصها
>>فجاءة طرا على بالها الاسير
>>بس ماتعرف شوو هالشعور اللي فيها شوق ؛ وله ؛ حب ؛ حنين له وتقول في خاطرها
>> ( وين اللي كان يضايقني )
>> حست بقيمته حست انها ذلته واااااااايد ؛ هيه حبته ؛ بس ماتقدر تعطيه حبها.
>>ماتقدر تعترف له بحبها ؛ والاسباب وايد
>> وتقول القدر مابيجمعنا ؛ لانه هو وين وانا وين؛ لكن ماعرفت تعبر عن مشاعرها اتجاهه..
>>فجاءه فتحت صفحة الرسايل بلا شعور أهدته أغنيه الاماكن كلها مشتاقه لك...... الخ
>> مرت أسبوعين على سفرته؛ ولا رجع ودمعة في بالها مشغول عليه ؛ دشت المنتدى
>>يوم شافت الرساله فرحت قالت في خاطرها (وصل) بعدين شافت أنها من المدير العام
>> اللي هو ولد عم الاسير؛ حزنت وفتحت الرساله.
>> وياليتها مافتحتها كانت تقول الرساله ان الاسير مات
>> انصدمت دمعة وفي ؛ وهي تقرا الرساله ؛ ماعرفت شو تسوي حست انها مخنوقه
>> مو قادره تقول شي أو تكتب شي , وفي كل مرة تفتح الكمبيوتر ؛ تسكره
>> بس فيها فضول تبا تعرف شوو اللي صار له؟؟ وكيف مات؟؟
>> أتجرات ودخلت المنتدى وكتبت حق ولد عمه تسأله عنه وياليتها مسالته!
>> رساله المدير العام: كان راجع من العمره واتصل فيني وقالي أفتح المنتدى وشوف
>> واشوف اذا وصلته رساله منج وهو على الخط وفتحت المنتدى ؛ وشفت رسالتج والاهداء مالج
>> فقلتله فرح وايد بالاهداء وقعد يقولي في التلفون والله اني احب ها الانسانه وايييد ويقول متى برجع؟؟
>>وسكر التلفون عني واليوم الثاني وصلنا الخبر بانه بالمستشفى.
>> سافرت له وصلت لعنده بالغرفه وكان يتكلم ومافيه شي؛ ويقول أريد اسولف معها
>>بس حاس اني بموت قبل لاسمع منها شي ؛ وعطاني رساله لج؛ وقال الشهادتين ومات
>> والاطباء قالوا انه بسبب النزيف الحاد مات..
>> وعرفي انه ذكرج انتي ونسى اهله مافكر فيهم ؛ فكر فيج انتي وبس ؛ يعني باع اهله وشتراج والسموحه
>> وهذي رسالة الاسير الاخيرة: حبيبتي ملاكي العنيد ؛ انا حبيتج بصدق
>> ويشهد الله على كلامي وبظل احبج طول عمري أو مابقى لي من العمر ولا بخونج وبظل وفي
>>لحبج؛ كنت أريد اشوف كلمة حبيبي يوم اوصل؛ بس انا راضي بحكم العالمين؛ كنت اريد احس بمعناتها
>> وطعمها بس يمكن مارجع ياملاكي؛ بس اعرفي اني راضي عنج كل الرضا حبيبتياذا مت
>>لاتندمين على اي شي انا ماشفتها ها الكلمه الحين بعدين بشوفها لان دنيتي زايله.
>> وانا حاس بها الشي؛ وانا اول شي بطلبه من الله اني اشوفج انتي ملاكي العنيد؛ هناك الله مابيحرمني منج
>>واتمنى انج تعيشين حياتج في الدنيا مع اللي اخترتيه لاني باخدج منه؛ حبيبتي اهديج كل ورود العالم
>> ياملاكي العنيد ؛ حبيبتي افرحي لاتشيلين هم الدنيا ؛
>> وانا بستناج مع خالص حبي .
>> دمعة وفي قعدت تصيح وتلوم نفسها وتقول ياليتني مادشيت المنتدى؛ ولا عرفت شي عنه
>>انا انسانه بلا مشاعر ولا أحسايس.
>> كيف بعيش حياتي وانا حرمت هالانسان حياته.
>> ماقدرت تستحمل اكثر من جدي وكتبت رساله للمدير العام تقوله انها بتطلع من المنتدى
>> وانها مابترجع له لانها ماتقدر تشوف كل شي يذكرها فيه تواقيعه وضحكته في الالعاب في كل شي.
>>المدير العام : نحن بنغلق المنتدى لانه مانقدر نكمل بدونه لانه خلاص الحزن مسيطر على الكل
>> ونسيت اقولج انه قبل لايسافر قالي اجهز سيارته واكتب عليها ملاكي العنيد؛ وانا جهزتها وهاي صورة منها
>> لان الله ماراد انه يهديج اياه يوم يرجع؛ بس نحنا راضين بحكم الله.
>> دمعة وفي : انت ليش جيه تحسسني بالذنب وتعذبني حرام عليك حرام.
>>المدير العام: هذا اللي يريده, وانا اوصل الامانه والوصيه لاكثرولااقل
>> وانتي الله يسامحج على اللي سويتيه فيه.
>>آسفه حبيبي هاكلمه ماقلتها لك ومابقولها لغيرك
>> ملاكك العنيد
>> لكي تدرك قيمة الحبيب أو الحبيبه ..... أفقده
>> خذاك الزمن مني وترك لي أشواقي
>> لكن ماخذا ذكراك من باقي أوراقي
>> عيشوا اليوم بيومه
>> منقول
مع تحيات
اميرة الورد

العفو اخوي
ومشكورة على مرورك لصفحتي
مع تحيات اميرة الورد

من جد قصة مؤثرة

ميرسي خيتو على القصة الرائعة